Ah, chillu passaggie a livella! Qaunni vote a matine, quanne jeve a scola media abbascie a Via Arce o a miezze iuorne quanne turnaveme a ccase, steveme vicine ae sbarre abbasciate. P’aspettà ca ra nu mumente a n’ate passasse o trene. Quanne c’era nu poche e folle, chille ca arrivavane ra Porta Rotese o ra Via Verniere s’infilavane miezz’a gente c’aspettave. Passe o treno o nun passe? Nge vo tiempe o sta arrivanne? E ‘ngere sempe quacch’une ca se sfasteriave e ‘spettà e passave ambresse ambress, guardanne ra parte addò o trene aveva arrivà. Oppure chiane chiane, cumme se vulesse fa verè ca ere curaggiuse e se ne fregave ro trene. E accusì pure nui gugliune (ma ng’erene pure gent’anziene e quacche femmene), reveme n’uocchie primma a ddestre pò a sinistre e passaveme, ment’ a campanelle sunave, ca significave ca ‘ngere pericole. Ere cumm’a na sfide. Nui simme chille ca nun ‘nge ferme manc’a a paura e muri! E o guardiane ca steve dint’a stanzetta [guardiola] s’ere abituate e lasciave fà. E po’, pe spuntà a Via Arce, faceveme chella stradine ca curreve miezze a ‘sti murette. Erene mure vasce e fatte e prete grosse. E accussì puteveme verè tutti sti giardine: cull’insalate e e file e piante e pummarole. E erene chine pure e piante e limone, e nespule, r’arancie e mandarine. Po’ a forze e passà tutte e iuorne, quaccunne me ricettere ca si, turnanne ra Via Arce ieve dritte, invecie e fa tutta a vie re muretti, truvave na scorciatoie p’arriva subite ae binarie e po’ ao passaggie a livvelle. E accussì pigliaje pure io l’abbitudine e passà miezz’a a nu squarcie e na rete e fierre ca quacchune aveve rotte. E c’erene pure certi spuntun’e fierre ca te putevene ferì e cosce mente scavalcave. E po’ quante tiempe risparmiave? Na fesseria. Pe me però cuntava a sfide. Ie pure vuleve fà comme a l’ate guagliuni chiù curaggiuise e ‘nziste.